الري الصحيح لأشجار الزيتون

🌿 الري الصحيح لأشجار الزيتون ✔️

✍️ الري هو سرّ من أسرار نجاح الزيتون، وعامل أساسي باش الشجرة تكبر وتعطيك مردودية باهية.

👈 في الصيف ☀️: الزيتونة تستحق الري كل 3 أيام حتى لأسبوع، هكة حسب كمية الماء اللي تعطيها لكل شجرة والوضعية متاع الأرض والمناخ.

🔹 كيفاش تسقي الزيتون بالطريقة الصحيحة؟ ✅ تحدد الاحتياجات: شوف شجرتك شنوة تحتاج حسب الطقس، نوعية التربة، وعمر الزيتونة. الصغيرات يستحقوا أكثر متابعة.

✅ ري منتظم: خاصّة الزيتون اللي مازال جديد في الأرض، لازم تسقي بانتظام باش جذوره تتقوّى وتثبت مليح.

✅ ما تكثرش الماء: برشة ماء تجيبلك مشاكل تعفن وفطريات، دونك خليك عاقل في الكمية.

👈 وقت السقي: من الأحسن تسقي بكري مع طلوع الشمس وإلا قبل ما تغرب، هكة باش تقلل من التبخر وتخلي التربة تشرب على راحتها.

🔹 نقطة مهمّة برشة: كي تسقي، أبعد الماء على جذع الشجرة، ما تحفرش جنب الجذع خاطر الشعيرات اللي تشرب الماء متواجدة بعيد شوية على الأطراف.

✍️ المسافة؟ أبعد شوية:

🌱 للأشجار الصغيرة: ابتعد نص متر من الغصن الرئيسي.

🌳 للأشجار الكبيرة: خليك على بعد مترين حتى لـ 3 أمتار.

📌 راقب التربة ديما، وشوف إذا بدات تنشف ولا ليه، هكة تكون ديما متحكم في ريتك وما تغلطش.

ربي يباركلكم في زيتونتكم ويفيضها خير إن شاء الله 🌿💚
✍️ الفلاح L’agriculture