جريمة تهز ابن أحمد: العثور على بقايا بشرية فمرحاض المسجد الأعظم
جريمة تهز ابن أحمد: العثور على بقايا بشرية فمرحاض المسجد الأعظم!
اهتزت مدينة ابن أحمد على وقع جريمة غريبة ومروعة! نهار الأحد 20 أبريل، تم العثور على أشلاء بشرية داخل أكياس بلاستيكية فمراحيض المسجد الأعظم. الصدمة كانت كبيرة وسط الساكنة، خصوصًا أن المكان مقدس وماشي ساهل يتقبلو هادشي.
لكن القصة ما سالاتش هنا، حيث فالغد، الاثنين، تم العثور على بقايا إضافية فمحيط مدرسة فنفس المدينة!
الشرطة دخلات على الخط وفتحات تحقيق معمق. تم توقيف شخص كيبان عليه اضطراب نفسي حاد، كان لابس غير سروال داخلي ملطخ بالدم، وتم العثور فدارو على ممتلكات مشكوك فمصدرها.
دابا كيتدارو تحاليل الحمض النووي باش يتعرفو على الضحية ويتأكدو من تورط المشتبه فيه.
مدينة ابن أحمد مازال تحت الصدمة، والسبب؟ وشنو الدافع؟ #ابن_أحمد #جريمة_بشعة #المغرب #أخبار_المغرب #العدالة #الشرطة_المغربية #جريمة_داخل_المسجد #بقايا_بشرية #تحقيقات #صادم #أخبار_الجرائم #حقيقة_مرعبة
تعليقات